当前位置: 主页 > R馨生活 >《Far Cry Primal》爽做野蛮人 >
《Far Cry Primal》爽做野蛮人
2020-06-10

《Far Cry Primal》爽做野蛮人

Ubisoft嘅《Far Cry》系列就啱啱出咗只《Far Cry Primal》,今次突破大玩第一身史前蛮荒历险,畀你真真正正学做一个野蛮巴丝打,终于可以一尝想食就食、想瞓就随地瞓、想打人就用棍一嘢嘢殴落去嘅滋味!

各位巴丝打有冇谂过,如果要追溯至祖宗十八代之前佢哋会係啲咩人? 其实今时今日你同我之所以能够存在,都全靠我哋嘅祖先醒目,保得住条命仔先可以传宗接到我哋,所以Kali想多谢阿妈阿爸之外,仲有要多谢老祖宗即係原始时代嘅现代智(Homo Sapiens)。其实史前人类有好多唔同嘅科属同物种,例如係尼安德特人(Neanderthals)等,但能够捱得过蛮荒年代,通过物竞天择试炼嘅就只有Homo Sapiens,亦成为咗我哋现代人嘅祖先。难以想像佢哋究竟喺啲咩环境生存,真係好想试下返朴归真返去史前石器时代,随心所欲做个野蛮人!

森林定律适者生存

《Far Cry Primal》游戏故事同以往咁多集都一样非常暴力兼且教大家一尝喺恶劣环境中要有嘅生存之道,今集故事序幕由公元前1万年嘅欧洲中部地区Oros讲起,Wenja族人正被其他部落所杀害,将面临灭族嘅危机,主角Takkar为保护佢嘅族人而奋力顽抗,并将分散各地嘅Wenja族人一个一个救返去,成为族人嘅守护者嘞。

史前武器够过瘾

1万年前中石器时代(Mesolithic)人类刚刚发现火嘅用途,并开始用石头製造工具。平时玩FPS用得枪多,依家返去原始时代玩下箭、茅、狼牙棒咁你都咪话唔过瘾。玩家喺森林、山洞、水底搜集足够嘅植物同兽皮等材料,就可以返去村落帮唔同嘅NPC族人建筑同升级茅屋,藉此将主角各种工具武器解锁,之后就有更多武器同工具可以用,例如以往多集都可以掷石仔引敌人注意,今集升级后更加可以变成投石器,用绳缚紧石头Fing呀Fing呀,近或中距离掟爆原始人个头,原来做野人一样可以咁爽嘅!

驯兽先係王道

游戏入面长毛象同剑齿虎都未绝种,玩家唔单止可以观望同猎杀佢哋,仲可以驯服佢哋做你Buddy,臭鼬鼠、黑狮子、花豹、大灰熊等都係你潜在嘅好帮手,驯服咗嘅野兽可以呼之则来挥之则去,每只野兽嘅能力同生命值都唔同,例如带最强劲嘅剑齿虎出去行,佢会吓走晒周围啲猎物,所以想打猎就选择带狼,如果唔想比动物骚扰,臭鼬鼠嘅臭味会令其他动物退避三舍,玩家因应唔同需要而选择带边只去威威,要注意野兽喺夜间出没机会特别高,想安全啲就记得带返只保护到自己嘅先好出去喇。另外当驯兽级别升到最高后,就可以骑下长毛象、剑齿虎、大熊呢类比较大嘅动物到处游蕩代步。

Kali玩后感

最欣赏呢集可以利用各种唔同嘅动物做任务,唔似以往只可狩猎或骑吓大象咁简单,尤其剑齿虎呢类猛兽,有时带佢去攻佔地盘,唔使暴露自己行踪亦唔使出手,眨吓眼啲敌人都已经比佢咬死哂,而且猛兽死咗可以即刻recall无限复活呀,Jesus都冇咁屈机啦!以前三四集都係用相机或手机点出敌人位置,呢集石器时代猫头鹰比高科技UAV更利害,通过佢视点喺空中俯瞰敌人、指挥猛兽突击目标、仲可以投掷蜂巢弹或高空俯冲刺杀敌人!咁多坚揪嘅真禽异兽帮手,想通过达以文嘅生存法则A Piece Of Cake啦!

《Far Cry Primal》爽做野蛮人
◆ 故事主角係Wenja温迦族人。《Far Cry Primal》爽做野蛮人
◆ 唔好叫我兄弟!头先打长毛象时你去咗边!?《Far Cry Primal》爽做野蛮人
◆ 帮我出去揾树叶返嚟比我遮ㄧ遮个前额,fashion呢啲嘢你识条铁咩!《Far Cry Primal》爽做野蛮人
◆ 残酷世界有乜嘢?有水饮(死人)有书睇(尸体)。《Far Cry Primal》爽做野蛮人
◆ 见到呢个标誌,打穿石墙有嘢拎。《Far Cry Primal》爽做野蛮人
◆ 想瞓?使乜去宜家呀?《Far Cry Primal》爽做野蛮人
◆ 用火箭射落蜂巢做蜂巢弹杀人。《Far Cry Primal》爽做野蛮人
◆ 御用㕑师:老细,今日特别泡製“中欧鼠王芬浓汤” 补肾呀!《Far Cry Primal》爽做野蛮人
◆ 饮啦,肾衰竭饮咗就会好!鼠王芬帮倒你!《Far Cry Primal》爽做野蛮人
◆ 佢就係屈机一号,你睇佢双眼几精灵! 《Far Cry Primal》爽做野蛮人
◆ 我揾倒只罕有黑狮子,Fancy Friend! 《Far Cry Primal》爽做野蛮人
◆ 呢位病人周浩顶就嚟顶唔字啦,一阵抛佢出去餵狼鹰!《Far Cry Primal》爽做野蛮人
◆ 每次召唤只猫头鹰都可以高空猎杀一个敌人。《Far Cry Primal》爽做野蛮人
◆ 只game其实冇乜bug,但遇过一次,敌人喺石头裏面打佢唔倒,原来以前啲人真係石头爆出嚟㗎!《Far Cry Primal》爽做野蛮人
◆ 只龟嘅像真度真係好高。《Far Cry Primal》爽做野蛮人
◆ 韩国石头料理就係咁诞生嘞。《Far Cry Primal》爽做野蛮人
◆ 今日带大家睇呢个楼盘「别树一居」,背山面海,座北向南,绿油油一片,又有烧烤场,上车手损穷人恩物尺价贝壳三粒! 《Far Cry Primal》爽做野蛮人
◆ 升级快好世界。《Far Cry Primal》爽做野蛮人
◆ 升级更快更好世界。《Far Cry Primal》爽做野蛮人
◆ Hey Bitch,你想统治Oros?有冇多过689票先?《Far Cry Primal》爽做野蛮人
◆ 呢只就係我嘅tvBloody嘞!睇下佢几兇狠几霸气!

《Far Cry Primal》爽做野蛮人


上一篇: 下一篇:

  • 相关新闻